Придобивки од гушкање

Прегратките можат да му помогнат на детето да развие здрав мозок и тело. Доенчињата, малите деца и децата од предучилишна возраст имаат потреба од многу различни видови на сензорна стимулација за развој. Контактот со кожата или физичкиот допир, како гушкање и држење, се одлични начини да се развие здрав мозок и силно тело. Всушност, лекарите откриле дека кога децата не добиваат физички контакт, нивниот физички раст и развој може да се забави и покрај тоа што нормално внесуваат здрава храна.

Гушкањето не е само убав гест. Тоа е неопходност за благосостојбата на детето.

Причини зошто треба почесто да се гушкаат децата:

Развој на мозокот.

Гушкањето на детето го стимулира ослободувањето на окситоцин, клучен хормон во развојот на мозокот. Окситоцинот помага да се формираат нови нервни врски, да се подобри меморијата и учењето како и социјалните и емоционалните вештини. Со редовно гушкање на детето му се овозвоможува да развие здрав и интелигентен мозок.

Намалување на стресот

Гушкањето на детето исто така го намалува стресот и анксиозноста, како за родителот, така и за детето. Со гушкањето се намалува нивото на кортизол, хормон кој предизвикува стрес. Гушкањето го зголемува и серотонинот и допаминот, тоа се невротрансмитери кои го регулираат расположението и среќата. Со гушкање се создавате циклус на позитивни повратни емоции.

Подобрена концентрација и учење

Гушкањето може да ја подобри концентрацијата и способноста за учење. Истражувањата покажале дека децата кои добиваат повеќе прегратки од нивните родители имаат подобаро внимание, когнитивни перформанси и академски достигнувања. Исто така, гушкањето може да ја зголеми креативност и вештини за решавање проблеми, бидејќи поттикнува чувство на љубопитност и истражување. Прегрнувајќи го детето, го поддржувате неговиот интелектуален раст и потенцијал.

Градење доверба и самопочит

Гушкањето може да го зајакне чувството на сигурност и самопочит кај детето. Гушкањето му кажува дека го сакате безусловно и дека сте секогаш тука за него. Тоа гради доверба и приврзаност помеѓу вас и детето, што е клучно за неговиот емоционален развој.

Зајакнување на врската еден со друг

Гушкањето може да го продлабочи вашиот однос со детето. Гушкањето е форма на невербална комуникација која помага во комуникацијата со малите деца. Со гушкањето се изразува наклонетост, емпатија и разбирање, споделување на топлина, енергија и емоции. Тоа создава силна емоционална врска помеѓу родителот и детето, која ќе трае цел живот.

Прегратките придонесуваат за подигнување на расположението

Гушкањето може да го подобри расположението и среќата на детето. Тоа предизвикува ослободување на ендорфин и подобрување на расположението. Ова може да му помогне да ги надмине негативните чувства како тага, осаменост или досада. Гушкањето исто така го стимулира производството на допамин, хормонот за награда и задоволство. Тоа ќе направи детето да се чувствува порадосно, возбудено и задоволно.

Чувство на сигруност и безбедност

Гушкањето може да му обезбеди на детето чувство на сигурност и заштита. Тоа создава физичка и емоционална бариера помеѓу детето и надворешниот свет, што може да го заштити од потенцијални закани или опасности. Исто така, го смирува нервниот систем, што може да го намали стравот и анксиозноста. Гушкањето може да направи детето да се чувствува порелаксирано, удобно и помирно.

Зголемување на самодовербата

Гушкањето може да го поттикне детето да се соочи со предизвици и можности. Тоа може да ја зголеми самодовербат правејќи го да се чувствува поспособно, компетентно и похрабро. Гушкањето може да го инспирира детето да ги следи своите цели и соништа, правејќи го пооптимист, надежен и решителен. Гушкањето може да одржува менталното здравје на детето, бидејќи може да ја спречи или намали депресијата, анксиозноста и другите психолошки нарушувања.

Позитивна слика за себе

Гушкањето може да ја подобри сликата за себе и телото. Тоа може да направи детето да се чувствува поудобно и посигурно во својата кожа. Тоа го прави да се чувствува поприфатено, почитувано и сакано. Исто така, гушкањето може да му помогне на детето да развие здрав и позитивен став кон себе и кон другите, што го прави да се чувствува повеќе сочувствително, љубезно и дарежливо.

Што ако на детето не му е удобно да се гушка?

Гушкањето е прекрасен начин да се покаже љубов и грижа. Но, не секое дете ужива или сака физичкиот контакт. Некои деца може да имаат различни преференци, потреби или граници во врска со гушкањето. Некои можеби доживеале траума, злоупотреба или запоставување, што може да ги направи претпазливи или да се плашат од гушкање. Исто така, може да имаат сензорни проблеми, аутизам или други состојби, што може да ги направи да се чувствуваат непријатно при гушкање.

Ако на детето му е непријатно да се гушка, почитувајте ги неговите чувства и желби и не го присилувајте да ве прегрне вас или некој друг. Исто така, не треба да го сфаќате тоа лично или да се чувствувате отфрлено или повредено ако не сака да ве гушне. Наместо тоа, треба да се обидете да ги разберете причините за непријатноста и да најдете други начини да ја изразите вашата љубов и поддршка.

Еве неколку совети кои ќе ви помогнат да се справите со дете кое не сака гушкање:

Пред да го прегрнете детето, прашајте дали сака да се гушне и почекајте го одговорот. Ако каже да, прегрнете го нежно и кратко, ако каже не, заблагодарете се што е искрено и почитувајте ја неговата одлука. Не го притискајте, не чувствувајте вина или не го поткупувајте за да ве прегрне вас или некој друг. Ако не сака да се гушка, прашајте го што сака да користите како поздрав. Можеби поздравот да биде петка, тупаница, ракување (здраво), тапкање по грбот, насмевка, намигнување или мавтање. Забележете што повеќе сака да слуша детето од вас и на кој начин се чувствува сакано и ценето го изборот и искористете го тоа наместо да се гушкате.

Разберете дека преференциите и потребите на детето може да се променат во зависност од неговото расположение, ситуација или околина. Понекогаш, може да сака да се гушка; понекогаш не сака. Бидете флексибилни и прилагодливи и следете ги знаците и сигналите на детето.

Ако не сака гушкање, не го осудувајте, критикувајте или срамете го поради тоа. Не го споредувајте со други деца и не правете да се чувствува дека тоа е нормално да мора да се гушне или дека е погрешно ако не сака да се гушка.

Некои истражувања открива дека прегратките го развиваат мозокот на децата

Една студија на бебиња од Националната детска болница во Охајо покажала дека колку повеќе го гушкате детето, толку повеќе му расте мозокот!

Постои истражување кое докажува дека гушкањето има значително влијание врз големината на мозокот. Тие откриле дека кога мајките ги гушкаат своите деца дури и во предучилишна возраст, се забележува раст во областа на мозокот наречена хипокампус, а тоа е дел од мозокот кој е поврзан со учење и сеќавања и регулирање на емоциите. И тие мислат дека оваа траекторија на раст во хипокампусот е поврзана со повисоко емоционално функционирање уште во тинејџерските години.

Гушкањето има и дополнителни здравствени придобивки.

Допирот е првото сетило за кое знаеме дека се развива кај доенчињата. Останува емоционално најцентралниот дел од нашите животи. Бебињата имаат многу придобивски од допирот. 15 – минутна вечерна прегратка ќе го подобри растот и зголемувањето на телесната тежина кај доенчињта и децата. Тоа е како природен лек. (ова е од истражување)

За децата што не сакаат гушкање и покрај тоа што цело семејство ја користи прегратката како поздрав, може да се искористи друг начин на поздравување или кажување ,,те сакам” а да не е вербално. Пример, може да го прегрнете детето од страна, односно странична прегратка, нежно да го притиснете на рамената или рацете, погалете го по глава, поздрав тупаница со тупаница или преку игра, како затуркување па ненамерно гушкање.

Децата поминуваат многу време во зона без допир бидејќи поголем дел од времето се во училиште и поради поголемото време што го поминуваат пред екран

Зошто прегратките се добри за мозокот и за семејната врска?

Дури и пред да се роди бебето, бремената жена го ослободува хормонот окситоцин во мозокот и крвотокот. (Окситоцинот е она што предизвикува контракциите да го придвижат породувањето, да тече мајчиното млеко и помага да се создаде интензивна врска меѓу неа и нејзиното дете.) Татковците, партнерите и посвоителите можат да добијат наплив на окситоцин кога се гушкаат со своите деца.

Кога бебето се држи во прегратка (како лулка), мозокот ослободува допамин – хормонот на задоволството кој сигнализира награда. Ова „високо“ гушкање им помага на доенчињата и децата да го препознаат мирисот на родителот што е важно за поврзување.

Окситоцинот и допаминот дури можат да имаат ефект врз болката. Гушкањето со бебиња и деца на кои никнуваат заби може да ја намали раздразливоста со тоа што ќе ги направи помалку под стрес и ќе ги ослободи мозочните хемикалии за да го намали воспалението и да заздрави побрзо. Гушкањето и бакнежите можеби нема да ја ублажат секоја болка, но секако можат да помогнат во смирување на детето.

Со други зборови, кога станува збор за прегратки и бакнежи, колку повеќе, толку подобро.

Не само што прегратките се добри за развојот на мозокот и физичкиот раст на децата, туку го поддржуваат и емоционалниот развој. Децата сè уште учат како да ги регулираат своите емоции, што може да доведе до испади и бес. Прегрнувајќи ги во овие емоционални моменти, може да се смират и да им покажете дека сте таму за да ги поддржите во тешките моменти. Гушкањето им помага за да ги смири и кога се премногу нервозни и не знаат да се исконтролираат.

Прегратките можат да им помогнат на децата да станат поотпорни. Кога децата се соочуваат со стресни ситуации, хормоните на стрес, адреналин и кортизол се ослободуваат во нивните тела и мозок. Овој стрес може да трае долго ако не се реши. Кога премногу од овие хормони на стрес се акумулираат во нивните тела, тоа може негативно да влијае на нивната ментална и емоционална благосостојба. Науката покажува дека долгите прегратки можат да го ослободат љубовниот хормон окситоцин, кој може да помогне да се избалансираат тие хормони на стрес.

Без разлика дали ќе ги вклучите прегратките во утринската рутина на вашето дете, пред спиење или било кој друг момент во текот на денот, вашето дете ќе добие трајни придобивки што ќе го поддржуваат во текот на нивниот живот.

Следниот пат кога ќе го прегрнете вашето дете, избројте до 20; можеби ќе се изненадите колку се долги тие 20 секунди.

За доенчиња на возраст од четири месеци, прегратката од родител ја прави целата разлика.

Во една студија објавена на во списанието iScience каде што се испитувани реакциите на срцевиот ритам кај доенчиња помали од една година за време на прегратката откриено е дека доенчињата постари од четири месеци покажаале висок сооднос на зголемени интервали на отчукување на срцето за време на гушкање од страна на нивните родители отколку кога се гушнати од некој странец. Родителите, исто така, покажаале висок сооднос на зголемени интервали на отчукувања на срцето при гушкање на своите бебиња. Откриено е дека и доенчињата и родителите се релаксираат со гушкање. Односно бебињата биле по смирени кога биле гушнати од родителите.

Исто така во ова истражување се забележало дека малите доенчиња имаат забавен пулс кога родителите ќе ги погалат по грбот.

Иако доенчињата не можат да зборуваат, тие ги препознаваат своите родители преку различни методи на воспитување, вклучително и гушкање, најдоцна по четиртиот месеци.