Здраво!

Јас сум Драган. Имам среќа повеќе од 10 година да работам во областа на детскиот развој. Низ годините оваа работа премина во мисија. Сфатив дека не е важно само да знаеш и да имаш искуство. Поважно од ова е да САКАШ! Во оваа деценија спроведував третмани кај повеќе од 500 деца и соработував со повеќе од 600 семејства на национално и интернационално ниво. Колку повеќе се вложував за да ги научам нешто и децата и родителите, толку повеќе и јас самиот учев!

Научив дека секое дете си има сопствен пат на развој, дека ниту еден возрасен не треба и не смее да постави ограничувања во однос на прогнозата на детскиот развој, научив дека нашиот мозок е подготвен да прави работи за кои ние не сме свесни дека се возможни.

Заклучив дека семејството било и ќе остане најстимулативната средина за детето, многупати си потврдив дека образовниот систем подеднакво исто наштетува на развојот на детето како што го поттикнува на напредок, сфатив дека општеството не е спремно за инклузивниот процес, дека на секој родител му е потребна поддршка во одгледувањето и воспитувањето на детето, но и дека зад секое среќно и исполнето дете стои среќен и исполнет родител.

И за крај, веројатно најважната работа која ја научив од децата е дека без оглед на тоа колку е тешко ќе успееме само ако не се откажуваме!

Добредојдовте на нашата страница!